نیویارک : اقوام متحدہ میں پاکستان کے سفارتی وفد کے سربراہ بلاول بھٹو زرداری نے بھارتی وزیراعظم نریندر مودی کو اسرائیلی وزیراعظم نیتن یاہو کا ’ٹیمو کاپی ‘ قرار دے دیا۔
تفصیلات کے مطابق چیئرمین بلاول بھٹو زرداری نے اقوام متحدہ میں پریس کانفرنس کرتے ہوئے کہا نریندر مودی دراصل اسرائیلی وزیراعظم کی ‘ٹیمو کاپی’ ہے، مودی گجرات کا قصائی بنا، پھر کشمیر کا قصائی اور اب سندھ تہذیب کو روندنے کی خواہش رکھتا ہے۔
بھارت نے کشمیر میں جو تبدیلیاں کیں، وہ اسرائیل سے متاثر ہوکر کی گئیں، خاص طور پر آبادکاروں کے ماڈل سے، بدقسمتی سے بھارت غلط مثالوں سے متاثر ہورہا ہے۔
Chairman PPP @BBhuttoZardari – UN Press Conference Highlights
“Narendra Modi is a Temu copy of the Israeli Prime Minister Benjamin Netanyahu.”
From the butcher of Gujarat, to the butcher of Kashmir, and now seeking to erase the legacy of the Indus Valley Civilization —… pic.twitter.com/ypfkS2M675
— PPP (@MediaCellPPP) June 3, 2025
مجھے پورا یقین ہے کہ اگر آئی ایس آئی اور را بیٹھ کر مشترکہ حکمت عملی بنائیں تو دہشت گردی کے واقعات میں نمایاں کمی آئے گی۔
بھارتی حکومت نے شرم الشیخ میں تسلیم کیا کہ وہ پاکستان میں دہشتگردی میں ملوث ہے۔
بھارتی افسر کلبھوشن یادیو 2017 سے ہماری حراست میں ہے ، ہم سمجھتے ہیں کہ پاکستان نے تمام دہشتگرد گروہوں کے خلاف ضروری اقدامات کیے ہیں، بھارت نے آج تک پاکستان کے دہشتگردی سے متعلق تحفظات کو دور کرنے کے لیے کوئی سنجیدہ قدم نہیں اٹھایا۔
پاکستان اس وقت تمام معاملات پر بات کرنے کے لیے تیار ہے، ہم سب کارڈ میز پر رکھ چکے ہیں ، اس وقت صرف ایک ملک ہے جو اقوام متحدہ اور عالمی چارٹر سے بھاگ رہا ہے اور وہ بھارت ہے۔
پاکستان کا مؤقف آج بھی یہی ہے کہ ہم بھارت کے ساتھ جامع مذاکرات چاہتے ہیں، جس میں دہشت گردی کا معاملہ بھی شامل ہو، ہم خود دہشتگردی کا نشانہ بنے ہیں اور میں خود ذاتی طور پر دہشتگردی کا شکار رہ چکا ہوں۔
بھارت خود کو خطے میں سلامتی فراہم کرنے والا ملک ظاہر کرنا چاہتا ہے، لیکن اس کے اقدامات یہ ظاہر کرتے ہیں کہ وہ سلامتی کا نہیں بلکہ عدم تحفظ کا ذریعہ بن چکا ہے۔
وزیراعظم مودی کو فیصلہ کرنا ہوگا کیا وہ حقیقی امن کا راستہ اختیار کرکے سندھ تہذیب کے سچے وارث بننا چاہتے ہیں، یا پھر وہی راستہ اپنائیں گے جس کے خطرات ہم بارہا اجاگر کرچکے ہیں۔
