The news is by your side.

Advertisement

سیارہ مشتری کا عظیم طوفان

واشنگٹن: عالمی خلائی ادارے ناسا نے سیارہ مشتری کے سرخ دھبے کی نہایت خوبصورت تصاویر جاری کی ہیں۔

یہ سرخ دھبہ دراصل سیارہ مشتری کا وہ عظیم اور ہنگامہ خیز طوفان ہے جسے سائنسدان میگا اسٹورم کا نام دیتے ہیں۔ اس طوفان کا مشاہدہ اس وقت سے کیا جارہا ہے جب سے دوربین ایجاد ہوئی ہے یعنی سترہویں صدی سے۔

jupiter-3

اس طوفان کا حجم زمین سے بھی بڑا ہے۔

jupiter-2

تصاویر میں 3 مزید دھبے بھی واضح طور پر دکھائی دے رہے ہیں جو کم شدت کے طوفان ہیں۔

یہ تصاویر جونو کیم سے لی گئی ہیں جو مشتری کا مشاہدہ کرنے والی خلائی گاڑی جونو میں نصب ہے۔

گزشتہ برس جولائی سے اپنے سفر کا آغاز کرنے والی خلائی گاڑی جونو نظام شمسی کے سب سے بڑے سیارے مشتری کے مدار میں سرگرداں ہے اور اس دوران وہ زمین پر مشتری کی تازہ ترین تصاویر و معلومات بھیج رہی ہے۔

مزید پڑھیں: سیارہ مشتری پر زندگی کا امکان؟

سائنسدانوں کے مطابق جونو سے لی جانے والی معلومات سے نظام شمسی اور سیاروں کے بارے میں بہت سی نئی اور مفید معلومات سامنے آئیں گی۔

جونو کا یہ مشن فروری 2018 تک جاری رہے گا جس کے بعد جونو مشتری کی فضا کے اندر غوطہ لگا کر ’خودکشی‘ کر لے گا۔

Print Friendly, PDF & Email

Comments

comments

یہ بھی پڑھیں