لاہور: پی ایس ایل 7 کے 25ویں میچ میں ملتان سلطانز نے کوئٹہ گلیڈی ایٹرز کو باآسانی 117 رنز کے بھاری مارجن سے شکست دے دی۔
تفصیلات کے مطابق لاہور کے قذافی اسٹیڈیم میں کھیلے گئے میچ میں ملتان سلطانز کی جانب سے دیے گئے 246 رنز کے تعاقب میں گلیڈی ایٹرز کی ٹیم 128 رنز پر ڈھیر ہوگئی، فاسٹ بولر شاہنواز دہانی نے میچ میں دو کھلاڑیوں کو پویلین کی راہ دکھائی۔
میچ میں اس وقت دلچسپ صورتحال پیدا ہوگئی جب شاہنواز دہانی وکٹ لینے کے بعد جشن مناتے ہوئے باؤنڈری لائن پر پہنچ گئے تو اسی وقت نسیم شاہ ڈگ آؤٹ سے بیٹنگ کے لیے آرہے تھے۔
Naseem Shah to Dahani 🤣🤣🤣 pic.twitter.com/LuOD8bTGWi
— Taimoor Zaman (@taimoorze) February 18, 2022
ویڈیو میں دیکھا جاسکتا ہے کہ نسیم شاہ نے شاہنواز دہانی کو مزاحیہ انداز میں بلا دکھاتے ہوئے پیچھے ہٹنے کا اشارہ کیا۔
نسیم شاہ کے اس ردعمل پر شاہنواز دہانی مسکرا دیے جس کی ویڈیو سوشل میڈیا پر تیزی سے وائرل ہورہی ہے۔
Dahani Entertainment
🤝#HBLPSL7 I #LevelHai I #MSvQG pic.twitter.com/2RXMvJS1jo— PakistanSuperLeague (@thePSLt20) February 18, 2022
واضح رہے کہ ملتان سلطانز کے ہاتھوں عبرتناک شکست کے بعد کوئٹہ کا ایونٹ میں رہنا مشکل ہوگیا ہے اور اب اسے اسلام آباد یونائیٹڈ کی دونوں میچز میں شکست کا انتظار کرنا پڑے گا اور اپنا آخری میچ بھی جیتنا ہوگا جس کے بعد گلیڈی ایٹرز نے 8 پوائنٹس ہوجائیں گے۔
سلطانز کے رلی روسو کو 26 گیندوں پر 71 رنز کی دھواں دار اننگز کھیلنے پر میچ کا بہترین کھلاڑی قرار دیا گیا۔
