قومی ٹیم نے نوجوان فاسٹ بولر نسیم شاہ نے سوشل میڈیا پر نکاح کی افواہوں پر خاموشی توڑ دی۔
فاسٹ بولر نسیم شاہ نے گزشتہ دنوں انسٹاگرام اسٹوری شیئر کی جس میں وہ دو بزرگوں کے درمیان مسکراتے ہوئے بیٹھے ہوئے تھے اس تصویر پر انہوں نے بہتر نوازنے پر شکر گزاری کے ساتھ الحمدللہ لکھا۔
نسیم شاہ کی یہ انسٹا اسٹوری جیسے ہی سوشل میڈیا صارفین نے دیکھی تو نسیم شاہ کے رشتے اور نکاح کی چہ مگوئیاں شروع ہوگئیں۔
Nikahh👀
— Akanksha Yadav 🦅👑 (@AKANKSH48278581) April 1, 2023
صارفین نے اندازہ لگانا شروع کردیا کہ شاید نسیم شاہ کا نکاح ہوگیا ہے یا وہ کسی رشتے میں منسلک ہوگئے ہیں۔
ایک صارف نے لکھا کہ نسیم شاہ کا نکاح ہوگیا ہے جبکہ دوسرے صارف نے بات پکی ہونے کا امکان ظاہر کیا۔
Baat pakki?😅😅
— BA❣️ (@_Ba__56_) April 1, 2023
سوشل میڈیا پر رشتے کے حوالے سے پھیلی افواہوں پر نسیم شاہ کو وضاحت دینی پڑی۔
نسیم شاہ نے لکھا کہ ’جو تصویر میں نے شیئر کی وہ میرے نکاح یا منگنی کے بارے میں نہیں تھی، شکر گزار ہونے کا مطلب صرف کسی رشتے میں منسلک ہونا نہیں۔‘
انہوں نے درخواست کی کہ براہ مہربانی اسے غلط سمجھنا بند کریں، وہ گھر والوں کے ساتھ افطار کی ایک معمولی تصویر تھی، مجھے امید ہے کہ اب سب واضح ہوگیا ہے۔
