قومی ٹیم کے نوجوان فاسٹ بولر نسیم شاہ دائیں کندھے کی انجری کا شکار ہوکر ورلڈ کپ سے باہر ہوگئے۔
آئی سی سی ون ڈے ورلڈ کپ کے لیے چیف سلیکٹر انضمام الحق نے ٹیم کا اعلان کیا جس میں فاسٹ بولر نسیم شاہ کی جگہ حسن علی کو اسکواڈ کا حصہ بنایا گیا ہے۔
نسیم شاہ نے بھی سماجی رابطے کی ویب سائٹ ٹوئٹر پر اسکواڈ سے ڈراپ ہونے پر جذباتی پیغام شیئر کیا ہے۔
انہوں نے لکھا کہ ’بھاری دل کے ساتھ میں یہ بتا رہا ہوں کہ میں اس شاندار ٹیم کا حصہ نہیں ہوں، ٹیم میں شمولیت نہ ہونے پر افسوس ہے، مجھے یقین ہے کہ سب کچھ اللہ کے ہاتھ میں ہے۔‘
With a heavy heart, I'm sharing that I will not be part of this amazing team that will be representing our beloved country. While I'm disappointed, I believe everything is in Allah's hands. InshahAllah will be on the field very soon.
Thank you to all my fans for the prayers!
— Naseem Shah (@iNaseemShah) September 22, 2023
نسیم شاہ نے مزید لکھا کہ ’انشا اللہ بہت جلد میدان میں اتریں گے، تمام مداحوں کی دعاؤں کا شکر گزار ہوں۔‘
نوجوان فاسٹ بولر کے ورلڈ کپ سے باہر ہونے پر جہاں شائقین کرکٹ مایوس ہیں وہیں نوجوان وکٹ کیپر بیٹر محمد حارث نے بھی نسیم شاہ کی ٹوئٹ پر کمنٹ کیا جو وائرل ہوگیا۔
محمد حارث نے پی ایس ایل کی اپنی تصویر شیئر کی جس میں درج تھا کہ ’نسیم میرا شولڈر لے لے۔‘ ساتھ ہی انہوں نے لکھا کہ ’مضبو رہو دوست۔‘
Stay strong dost ❤️ pic.twitter.com/SWSKscGpdq
— Muhammad Haris (@iamharis63) September 22, 2023
نوجوان وکٹ کیپر بیٹر کی یہ ٹوئٹ سوشل میڈیا پر وائرل ہوگئی اور صارفین کی جانب سے اسے خوب سراہا بھی جارہا ہے۔