پاکستان کے ابھرتے ہوئے اسٹار فاسٹ بولر نسیم شاہ انگلش کائونٹی چیمپئن شپ سے باہر ہو گئے۔
دائیں ہاتھ کے فاسٹ بولر انجری کا شکار ہو کر ایک ماہ کے لیے کرکٹ سے باہر ہو گئے ہیں وہ اپریل اور مئی میں اپنی ٹیم کو دستیاب نہیں ہوں گے۔
نسیم شاہ کو انگلش کلب گلوسٹر شائر نے 2022 کے سیزن کے لیے سائن کیا تھا۔ یہ پہلا موقع تھا کہ نوجوان بولر انگلش کلب کی جانب سے کھیلیں گے
Fitness update: Naseem Shah#GoGlos 💛🖤
— Gloucestershire Cricket (@Gloscricket) April 20, 2022
- Advertisement -
نسیم شاہ نے پورے سیزن کے لیے گلوسٹر شائر سے معاہدہ کیا جس میں وہ کلب کی جانب سے تمام فارمیٹ کھیلیں گے تاہم نیشنل ڈیوٹی پر وہ قومی ٹیم کے لیے دستیاب ہوں گے۔
اس سے قبل قومی ٹیم کے لیفٹ آرم اسپنر ظفر گوہر بھی کلب سے معاہدہ کر چکے ہیں۔ وہ پہلے بھی اسی کلب کی جانب سے 2021 کا سیزن کھیل چکے ہیں۔
