کراچی: قومی کرکٹ ٹیم کے نوجوان فاسٹ بولر نسیم شاہ نے عالمی ریکارڈ بنادیا۔
تفصیلات کے مطابق نیشنل اسٹیڈیم میں سری لنکا کے خلاف دوسرے ٹیسٹ میچ میں 16 سالہ فاسٹ بولر نسیم شاہ نےعالمی ریکارڈ بنادیا۔
فاسٹ بولر نسیم شاہ 16 سال کی عمر میں 5 وکٹیں لینے والے کم عمر ترین بولر بننے کا اعزاز حاصل کرلیا ہے۔
نسیم شاہ پریس کانفرنس کے لیے پہنچے تو والدہ کے حوالے سے ذکرکرتے ہوئے جذبات پر قابو نہ رکھ سکے اور آبدیدہ ہوگئے۔
Naseem Shah misses his mother on match-winning performance
Read more: https://t.co/Ev7Uo7g91a#ARYSports #PAKvsSL pic.twitter.com/5ZKPpcepPy— ARY Sports (@ARYSports_Web) December 23, 2019
واضح رہے کہ قومی ٹیم کے ٹور آسٹریلیا کے دوران فاسٹ بولر نسیم شاہ کی والدہ انتقال کرگئی تھیں لیکن انہوں نے اہل خانہ کے مشورے پر سیریز کھیلنے کا فیصلہ کیا تھا۔
نیشنل اسٹیڈیم میں شاندار پرفارمنس پر نسیم شاہ کا نام آنر بورڈ میں شامل کرلیا گیا ہے، اس سے قبل شاہین شاہ آفریدی کا نام بھی بورڈ میں درج کیا گیا تھا۔
یاد رہے کہ پاکستان نے سری لنکا کو دوسرے ٹیسٹ میچ میں 263 رنز سے شکست دے کر سیریز میں 1-0 سےکامیابی حاصل کرلی ہے، قومی ٹیم ٹیسٹ چیمپئن شپ کے پوائنٹس ٹیبل پر تیسرے نمبرپر آگئی ہے۔
