اپوزیشن حکومت کو 100 دن کا وقت دینا چاہتی ہے: ناصرشاہ،پی پی پی قیادت
The news is by your side.

Advertisement

اپوزیشن حکومت کو 100 دن کا وقت دینا چاہتی ہے: ناصرشاہ

کراچی: پیپلزپارٹی کے رہنما ناصر حسین شاہ نے کہا ہے کہ اپوزیشن حکومت کو 100 دن کا وقت دینا چاہتی ہے، پی پی جمہوریت پر عمل رکھتی ہے مسائل کے حل کے لیے سیاست کرتی ہے۔

ان خیالات کا اظہار انہوں نے اے آر وائی نیوز کے پروگرام الیونتھ آور میں انٹرویو دیتے ہوئے کیا، ناصر حسین شاہ کا کہنا تھا کہ اپوزیشن تنقید برائے تعمیر پر یقین رکھتی ہے، حکومتی کارکردگی پر عوام نے اپنا ردعمل دینا شروع کردیا ہے۔

انہوں نے کہا کہ پیپلزپارٹی غیر جمہوری اقدام کی حمایت نہیں کرے گی، ہماری پارٹی چاہتی ہے کہ پی ٹی آئی کی حکومت 5سال پورے کرے۔

ان کا کہنا تھا کہ پی ٹی آئی پہلے نہیں جانا چاہتی تھی اب انھیں آئی ایم ایف اچھی لگ رہی ہے، بظاہر یہی لگ رہا ہے کہ پی ٹی آئی خود کو حکومت میں نہیں سمجھتی۔

جام خان شورو الزامات سے سرخرو ہوں گے، ناصر حسین شاہ

جعلی اکاؤنٹس سے متعلق تبصرہ کرتے ہوئے ناصر شاہ کا کہنا تھا کہ جعلی اکاؤنٹس اور ٹرانزکشنز میں ملوث لوگوں کا نام سامنے لایا جائے، ایف آئی اے کو کسی کیس میں لگتا ہے پیپلزپارٹی ملوث ہے تو منی لانڈرنگ کا نام دے دیتی ہے۔

ان کا مزید کہنا تھا کہ بڑی برائی کے آنے سے اپوزیشن کو چھوٹی برائی کو قریب لانا پڑتا ہے، الیکشن کے دوران 2014 کے مقدمے سے پی پی قیادت کو تنگ کیا گیا۔

Comments

comments

یہ بھی پڑھیں