منگل, مئی 21, 2024
اشتہار

عمران خان کی گرفتاری پر ملک بھرمیں احتجاج، توڑ پھوڑاور جلاؤ گھیراؤ کیخلاف مذمتی قرارداد منظور

اشتہار

حیرت انگیز

اسلام آباد : قومی اسمبلی میں عمران خان کی گرفتاری پر ملک بھرمیں احتجاج، توڑپھوڑاور جلاؤ گھیراؤ کیخلاف مذمتی قرارداد منظور کرلی گئی۔

تفصیلات کے مطابق قومی اسمبلی کے اجلاس میں عمران خان کی گرفتاری پرملک بھرمیں احتجاج، توڑپھوڑاور جلاؤ گھیراؤ کیخلاف مذمتی قرارداد منظور کرلی گئی۔

قرارداد کے متن میں کہا ہے کہ ایوان ملکی استحکام، سماجی و اقتصادی ترقی اور عوامی بہبود پر منفی اثرات پر تحفظات کا اظہار اور قیمتی جانوں کے ضیاع ،ریاستی اور نجی املاک کو نقصان پر افسوس کا اظہار کرتا ہے۔

- Advertisement -

متن میں کہا گیا کہ ایوان جناح ہاؤس میں توڑ پھوڑ اور اس کو جلانے کی مذمت کرتا ہے، ایوان جی ایچ کیو، شہدا کی یادگاروں، تاریخی عمارتوں، مساجد اور اسکولزپرحملوں کی مذمت کرتا ہے۔

قرارداد کے مطابق یہ ایوان پاک فوج اور سیکیورٹی اداروں کے لیے مکمل حمایت کا اعلان کرتا ہے، حکومت سے مطالبہ ہے کہ ایسے واقعات میں ملوث عناصر کے خلاف سخت کارروائی کی جائے۔

قرارداد میں مزید کہا گیا کہ یہ ایوان آزاد اور غیر جانبدار عدلیہ کی اہمیت کو تسلیم کرتا ہے، یہ ضروری ہے کہ عدلیہ بلاتعصب اپنا آئینی کردار ادا کرے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں