لاہور :قومی ایتھلیٹ نادیہ نذیر بیٹے سمیت کار حادثہ میں جاں بحق ہوگئیں۔
تفصیلات کے مطابق قومی ایتھلیٹ نادیہ نذیر بہاولنگر جا رہی تھی کہ انکی گاڑی حادثے کا شکار ہوگئی، جس کے نتیجے میں وہ اور انکا 5سالہ بیٹا حذیفہ شدید زخمی ہوئے، جنہیں ہسپتال منتقل کیا گیا مگر دونوں ماں بیٹا جانبر نہ ہو سکے ۔
نادیہ نذیر نے ساوتھ ایشین گیمز اور اسلامک گیمز میں پاکستان کی نمائندگی کی جبکہ وہ واپڈا کی بھی نمائندگی کرچکی ہیں، انہیں 2010ءمیں واپڈا کی جانب سے شاندار کھیل کا مظاہرہ کرنے پر تیز ترین ایتھلیٹ کے اعزازاور بینظیر بھٹو شہید ایوارڈ سے نوازا گیا تھا ۔
پاکستان اسپورٹس بورڈ، ایتھلیٹکس فیڈریشن اور پاکستان اولمپک ایسوسی کے صدر لیفٹینٹ جنرل ر عارف حسن نے سانحہ پر افسوس کا اظہار کیا ہے۔
مزید پڑھیں : فٹبال ٹیم کی کھلاڑی شاہ لیلیٰ بلوچ کار حادثے میں جاں بحق
یاد رہے کہ گذشتہ سال قومی فٹبالر شاہ لیلیٰ بلوچ بھی کار حادثہ میں جاں بحق ہوگئیں تھی، شاہ لیلیٰ بلوچ کی گاڑی کو حادثہ تیز رفتاری کے باعث پیش آیا ، جس کے باعث کار الٹ گئی۔ لیلیٰ کو اسپتال پہنچایا گیا لیکن وہ جانبر نہ ہوسکیں۔
