لاہور: پاکستان کرکٹ بورڈ نے ورلڈکپ کے سلسلے میں پاکستان ٹیم کی نئی کٹ تیار کرلی، ٹیم کٹ کی رونمائی کے لیے کل تقریب منعقد کی جائے گی۔
اے آر وائی نیوز کے مطابق آئی سی سی کرکٹ ورلڈ کپ کے لیے پاکستانی ٹیم کی کٹ کیسی ہوگی اس کا شائقین کو کل پتا چلے گا، پاکستان کرکٹ بورڈ کی جانب سے ورلڈکپ کے سلسلے میں بابر اینڈ کمپنی کے لیے نئی کٹ تیار کرلی ہے۔
ذرائع کا کہنا ہے کہ پی سی بی ورلڈکپ کے لیے ٹیم کٹ کی رونمائی کل کرے گی، چیئرمین پی سی بی مینجمنٹ کمیٹی ذکا اشرف تقریب کے مہمان خصوصی ہوں گے۔
- Advertisement -
ورلڈکپ کٹ کی تقریب رونمائی لاہور میں کی جائے گی، بھارت میں ہونے والے ورلڈکپ کا آغاز 5 اکتوبرکو ہوگا۔
واضح رہے کہ پاکستان کرکٹ ٹیم آئی سی سی کرکٹ ورلڈکپ میں اپنا پہلا میچ 6 اکتوبر کو نیدرلینڈز کے خلاف کھیلے گی۔
