کراچی میں شیڈول نیشنل گیمز نامعلوم وجوہات کی بنا پر ملتوی کردیے گئے۔
سندھ اولمپک ایسوسی ایشن نے تصدیق کی ہے کہ نیشنل گیمز نامعلوم وجوہات کی بنا پر ملتوی کیے گئے ہیں، 35ویں نیشنل گیمز یکم سے 9 مئی تک کراچی میں شیڈول تھے۔
سندھ کو 18 سال کے بعد نیشنل گیمز کی میزبانی ملی تھی۔
واضح رہے کہ نیشنل گیمز پاکستان میں کھیلوں کا بڑا ایونٹ ہے جس میں ملک بھر سے ایتھلیٹ حصہ لیتے ہیں۔
عبدالستار ایدھی ہاکی اسٹیڈیم میں نیشنل گیمز کی افتتاحی اور اختتامی تقریب منعقد ہونی تھھی۔
نیشنل گیمز میں 34 کھیل رکھے گئے تھے، میگا ایونٹ میں اولمپکس اور روایتی کھیلوں کے مقابلوں میں دس ہزار کھلاڑی اور آفیشلز نے شرکت کرنا تھی۔
