اسلام آباد:قومی ادارہ صحت نے ملک میں کورونا کیسز کے پھیلاؤ کی تردید کردی۔
تفصیلات کے مطابق سینٹر فار ڈیزیز کنٹرول این آئی ایچ کے سربراہ ڈاکٹر ممتاز خان نے اے آر وائی نیوز سے گفتگو میں کہا کہ کورونا وائرس کے حوالے سے صورتحال قابو میں ہے، کورونا کیسز میں تیزی سے اضافے کی بات درست نہیں ہے۔
کراچی میں ایک بار پھر کورونا کیسز رپورٹ ہونا شروع ہوگئے
- Advertisement -
ڈاکٹر ممتاز خان نے کہا کہ کورونا، نیمو، انفلوئنزا، موسمی فلو کی علامات ملتی جلتی ہیں اس لیے شہریوں کو گھبرانے کی ضرورت نہیں حالات قابو میں ہیں، سردیوں میں امراض تنفس کیسز میں اضافہ معمول کی بات ہے۔
ڈاکٹر ممتاز نے مزید کہا کہ سردیوں میں انفلوئنزا، ایچ ون این ون کیسز رپورٹ ہوتے ہیں، ملک میں انفلوئنزا، ایچ ون این ون کیسز سامنے آرہے ہیں، قومی ادارہ صحت نے ملک بھر میں سرویلنس بڑھائی ہے۔
