کراچی : سندھ حکومت نے پی سی بی حکام کو تمام کھلاڑیوں کو بہترین سیکیورٹی فراہم کرنے کی یقین دہانی کراتے ہوئے کہا یشنل اسٹیڈیم اور ہوٹلز کی سیکیورٹی میں اضافہ کردیا گیا ہے۔
تفصیلات کے مطابق سندھ حکومت اور پی سی بی حکام میں رابطہ ہوا ، جس میں پی ایس ایل کی سکیورٹی انتظامات کا جائزہ لیا گیا۔
سندھ حکومت نے پی سی بی حکام کو تمام کھلاڑیوں کو بہترین سکیورٹی کی یقین دہانی کرادی۔
پی سی بی حکام کو آگاہی دی گئی کہ نیشنل اسٹیڈیم اور ہوٹلز کی سیکیورٹی میں اضافہ کردیا گیا ہے۔
پی سی بی اور سندھ حکومت حکام میں اتفاق ہوا ہے کہ میچز شیڈول کے مطابق ہی ہوں گے۔
سندھ حکومت نے اس عزم کا اظہار کیا کہ دہشت گردوں کے ناپاک منصوبے کسی صورت کامیاب نہیں ہونے دیں گے۔
گذشتہ روز کراچی کی مصروف ترین شارع فیصل پر صدر تھانے سے متصل پولیس چیف آفس میں دستی بموں اورجدید آتشیں ہتھیاروں سے لیس دہشت گرد فائرنگ کرتے ہوئے گھس گئے ، جس کے بعد فائرنگ اور دھماکوں کاسلسلہ شروع ہوگیا۔
دہشت گردوں سے مقابلے کے لیے پولیس اور رینجرزکی بھاری نفری اور فوج کےکمانڈوز پہنچے اور کامیاب آپریشن کرتے ہوئے دہشت گردوں کو ہلاک کردیا۔
سی پی اوآفس کی ایک کے بعد منزل کلیئر کرائی گئی، سکیورٹی ادارے چوتھی منزل پر پہنچے توایک اورخوفناک دھماکا ہوا،مبینہ طور پر دہشت گرد نے خود کواڑالیا۔
دھماکے کی آواز دور دور تک سنی گئی،اطراف کی عمارت کے شیشے ٹوٹ گئے تاہم اسنائپرز نے ڈرون فوٹیج کی مدد سے دہشت گردوں کی پوزیشن کا تعین کرکے ہلاک کیا۔
