نوشہروفیروز میں باپ نے بھائی کے ساتھ ملکر بیٹی کو قتل کردیا۔
تفصیلات کے مطابق نوشہروفیروز کے نواحی علاقے میں ایک افسوسناک واقعہ پیش آیا ہے جہاں باپ نے بھائی کے ساتھ ملکر بیٹی کو قتل کردیا۔
مقتولہ کی والدہ نے بتایا کہ بیٹی چند روز قبل شوہر کے ساتھ گھومنےگئی تھی، پولیس کا کہنا ہے کہ مقتولہ کا شوہر کراچی میں سیکیورٹی گارڈ ہے، قتل کی وجہ معلوم نہیں ہوسکی ہے تاہم تفتیش جاری ہے۔
اس سے قبل کراچی کے علاقے ملیر رفاہ عام میں باپ نے فائرنگ کرکے بیٹی اور اس کے دوست کو قتل کردیا تھا۔
پولیس نے اس حوالے سے بتایا تھا کہ جاں بحق ہونے والی لڑکی کی شناخت فاطمہ کے نام سے ہوئی تاہم مرنے والے نوجوان کی شناخت نہیں ہوسکی ہے۔
پولیس کا بتانا تھا کہ فائرنگ لڑکی کے باپ اظہر نے کی، ملزم نے دونوں کو غیرت کے نام پر قتل کیا، واردات کے بعد ملزم کو موقع سے گرفتار کرلیا گیا تھا۔
