عمران پر حملے کے ملزم کا اعترافی ویڈیو بیان کس نے ریکارڈ کیا، حقیقت سامنے آ گئی

لاہور: سابق وزیر اعظم عمران خان پر حملے کے ملزم نوید بشیر کا اعترافی ویڈیو بیان کس نے ریکارڈ کیا، حقیقت سامنے آ گئی۔

تفصیلات کے مطابق اے آر وائی نیوز وہ سی سی ٹی وی فوٹیج حاصل کر لی ہے جس میں ڈی پی او گجرات کو اپنا موبائل فون ایس ایچ او کو حوالے کرتے دیکھا جا سکتا ہے۔

ایس ایچ او نے اس موبائل فون سے ملزم نوید کا اعترافی بیان ریکارڈ کیا تھا، ایس ایچ او نے بیان ریکارڈ کرنے کے بعد موبائل ڈی پی او کو واپس دے دیا۔

اس فوٹیج پر تاریخ 3 نومبر 2022 اور ریکارڈنگ کا وقت 5 بج کر 28 منٹ درج ہے، اور عمران خان پر بھی 3 نومبر ہی کو وزیر آباد کے قریب حملہ کیا گیا تھا، جس میں وہ زخمی ہوئے تھے۔

اے آر وائی نیوز کے مطابق یہ ڈی پی او گجرات اب بھی اپنے عہدے پر موجود ہیں۔

Comments