The news is by your side.

Advertisement

نوابشاہ: رن وے لائٹس خراب، کپتانوں کو خطرے سے آگاہ کر دیا گیا

نوابشاہ: صوبہ سندھ کے شہر نوابشاہ کے ایئرپورٹ پر رن وے لائٹس خراب ہونے کا انکشاف ہوا ہے، کپتانوں کو خطرے سے آگاہ کر دیا گیا۔

تفصیلات کے مطابق نوابشاہ ایئر پورٹ پر طیارے کو لینڈنگ کے دوران رہنمائی کرنے والی رن وے کی لائٹس خراب ہونے کا انکشاف ہوا ہے، سول ایوی ایشن اتھارٹی نے پائلٹس اور ایئر لائنز کو نوابشاہ ایئر پورٹ پر لینڈنگ کے وقت انتہائی احتیاط برتنے کی ہدایت کر دی۔

سی اے اے نے نوٹم جاری کر کے ایئر لائنز اور کپتانوں کو نوابشاہ ایئر پورٹ کے رن وے نمبر 2 کی لائٹس خراب ہونے سے متعلق آگاہ کیا ہے، رن وے پر پاپی لائٹس جہاز کو لینڈ کرنے کے لیے صحیح راستہ دکھانے کے لیے معاونت کرتی ہیں۔

جاری نوٹم میں کہا گیا ہے کہ نوابشاہ ایئر پورٹ پر پائلٹس کو لینڈنگ کے لیے انتہائی احتیاط کی ضرورت ہوگی، کیوں کہ رن وے نمبر 2 کی پاپی لائٹس خراب ہیں۔

واضح رہے کہ خراب موسم کی صورت میں کراچی اسلام آباد اور لاہور کے درمیان پروازوں کا رُخ نوابشاہ ایئر پورٹ کی طرف موڑا جاتا ہے۔

Comments

یہ بھی پڑھیں