شوبز انڈسٹری کی معروف اداکارہ نوال سعید نے دوران شو اداکاروں سے جلنے سے متعلق سوال کا جواب دے دیا۔
اداکارہ نوال سعید نے حال ہی میں نجی ٹی وی کے شو میں شرکت کی اور اس دوران مداحوں کی جانب سے پوچھے گئے سوالات کے جوابات دیے۔
مداح نے پوچھا کہ ڈرامہ انڈسٹری میں آپ کس اداکار سے جلتی ہیں؟
نوال سعید نے کہا کہ میں کسی اداکار سے نہیں جلتی اور نہ ہی یہ سمجھتی ہوں کہ کسی سے میرا مقابلہ ہے لیکن مجھے جن کا کام پسند ہے اور میں چاہتی ہوں کہ ان جیسے اداکاری کروں ان میں یمنیٰ زیدی اور سجل علی شامل ہیں۔
واضح رہے کہ نوال سعید اس سے قبل کرکٹر کے میسجز بھیجنے سے متعلق بیان پر شہ سرخیوں میں رہی تھیں۔
اداکارہ کا کہنا تھا کہ ضروری نہیں کہ میسجز بھیجنے والا کرکٹر غیر شادی شدہ ہو، کرکٹرز کو ایسے میسجز نہیں کرنے چاہئیں کیونکہ لوگ انہیں آئیڈلائیز کرتے ہیں۔
یاد رہے کہ نوال سعید اے آر وائی ڈیجیٹل کے ڈرامہ سیریل ’جان جہاں‘ میں ’گل زیب‘ کا کردار نبھا رہی ہیں جس کی مرکزی کاسٹ میں حمزہ علی عباسی، عائزہ خان شامل ہیں۔
جانِ جہاں کی ہدایت کاری کے فرائض قاسم علی مرید نے انجام دیے ہیں جبکہ اس کی کہانی ردا بلال نے لکھی ہے۔
