اسلام آباد: عمران خان نے پانامہ لیکس پرکمیشن کے ٹی اوآرزمسترد کردیئے، انہوں نے کہا کہ میاں صاحب نہ مانے تو ایک ہی راستہ بچے گا جو رائیونڈ جاتا ہے، پہلے وزیراعظم پھر دوسروں کااحتساب ہوگا۔
تحریک انصاف کے چیئرمین عمران خان بنی گالہ میں وزیر اعظم نواز شریف کے خطاب کا جواب دینے بیٹھے۔ کپتان نے حکومت کے بنائے کمیشن کو مسترد کرتے ہوئے احتجاج کاعندیہ دے دیا ۔
عمران خان کا کہنا ہے تھا پہلے وزیر اعظم کا احتساب ہو پھر دوسروں کی باری آئے گی عمران خان نے کہا کل جلسے میں لائحہ عمل کا اعلان کروں گا، میاں صاحب نہ مانے تو ایک ہی راستہ بچے گا جو رائیونڈ جاتا ہے۔
عمران خان وزیر اعظم کو جواب دیتے ہوئے کہا کہ ملک دھرنے کی وجہ سے نہیں بلکہ وزیر اعظم اور دوسروں کی کرپشن کے باعث تباہ ہورہا ہے۔
