کوئٹہ : پشتونخواہ ملی عوامی پارٹی آج کوئٹہ میں سیاسی قوت کا مظاہرہ کرے گی، نواز شریف بھی جلسے سے خطاب کریں گے۔

تفصیلات کے مطابق کوئٹہ میں آج خان عبدالصمد خان اچکزئی کی 44 ویں برسی منائی جا رہی ہے، پشتونخواہ ملی عوامی پارٹی آج کوئٹہ ایوب اسٹیڈیم میں عوامی قوت کا مظاہرہ کریں گی۔

محمود خان اچکزئی کی خصوصی دعوت پر نواز شریف جلسے میں شرکت کے لئے کوئٹہ پہنچیں گے اور جلسے سے خطاب کرینگے۔

اسٹیڈیم میں نواز کے بینرز اور تصویریں اور آویزاں کی گئی ہے جبکہ جلسہ گاہ میں پشتونخوا میپ اور ن لیگ کےپارٹی پرچم لگا دیے گئے  ہیں۔

سابق وزیراعظم نوازشریف کی کوئٹہ میں استقبال کی تیاریاں جاری ہے ، زرغون روڈ اور ایئرپورٹ روڈ پر نوازشریف کیلیے خیر مقدمی پوسٹر اور ہورڈنگز آویزاں کئے گئے ہیں۔

سیکیورٹی میں جیمرز والی گاڑیاں اور تربیت یافتہ اہلکار شامل ہیں جبکہ نوازشریف کی اسپیشل سیکیورٹی ایوب اسٹیڈیم جلسہ گاہ پہنچ گئی ہیں۔

دوسری جانب نوازشریف جاتی امراسےایئرپورٹ کیلئے روانہ ہوگئے ہیں ، نوازشریف لاہور سے اسلام آباد جائیں گے، جہاں وہ نوازشریف پنجاب ہاؤس میں لیگی رہنماؤں سے مشاورت کرینگے اور مشاورت کے بعد کوئٹہ روانہ ہونگے۔

مزید پڑھیں : نواز شریف  2دسمبر کو کوئٹہ میں عوامی جلسہ سے خطاب کریں گے

یاد رہے کہ چند روز قبل نوازشریف کی بے نظیرانٹرنیشنل ایئرپورٹ پر محمود اچکزئی سے ملاقات ہوئی تھی ، ملاقات میں محمود اچکزئی نے نوازشریف کو2 دسمبرکے جلسے میں شرکت کی دعوت دی۔

نوازشریف نےکوئٹہ میں جلسےسےخطاب کرنےکی حامی بھرلی تھی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔