لاہور: مسلم لیگ ن کے صدر نواز شریف نے نریندر مودی کو تیسری بار وزیراعظم بننے پر مبارک باد پیش کی ہے۔
سماجی رابطے کی ویب سائٹ ایکس پر مسلم لیگ ن کے صدر نواز شریف نے لکھا کہ نریندر مودی کا تیسری بار وزیراعظم بننا بھارتی عوام کے اعتماد کا اظہار ہے۔
انہوں نے لکھا کہ ’آئین مل کر اس موقع کو نفرت سے امید میں تبدیل کریں۔‘
نواز شریف نے مزید کہا کہ یہ دونوں ملکوں کے عوام کی تقدیر بدلنے کا بہترین موقع ہے۔
گذشتہ روز نریندر مودی نے تیسری مدت کیلئے بھارت کے وزیراعظم کے عہدے کا حلف اٹھایا تھا۔
صدردورپدی مرمو نے نریندرمودی سےعہدے کا حلف لیا، تقریب حلف برداری دارالحکومت دہلی کے ایوان صدر میں ہوئی، تقریب میں نومنتخب ارکان اسمبلی اور دیگر مہمانوں نے شرکت کی۔
نریندرمودی جواہر لعل نہرو کے بعد تیسری بار وزیراعظم کا عہدہ سنبھالنے والے دوسرے بھارتی وزیراعظم ہیں۔
واضح رہے کہ رواں سال اپریل میں بھارتی وزیراعظم نریندر مودی نے کو وزارت عظمیٰ کا منصب سنبھالنے پر مبارک باد پیش کی تھی۔
