جمعرات, مئی 23, 2024
اشتہار

نواز شریف نے عمران خان کی وہیل چیئر پر پیشی پر کیا کہا؟

اشتہار

حیرت انگیز

لندن: مسلم لیگ ن کے قائد نواز شریف کا عمران خان کی وہیل چیئر پر عدالت میں پیشی پر کہنا ہے کہ اللہ دکھا رہا ہے۔‘

اے آر وائی نیوز کے مطابق وزیراعظم شہباز شریف لندن میں موجود ہیں لیکن ان کی نواز شریف سے تاحال ملاقات نہیں ہوسکی ہے۔

نواز شریف کا کہنا ہے کہ شہباز شریف سے آج ملاقات ہوگی۔

- Advertisement -

نواز شریف نے صحافیوں سے سوال کیا کہ آج کی تازہ خبر کیا ہے؟ صحافی نے بتایا کہ ایک دن الیکشن کے لیے سپریم کورٹ نے کل پھر سماعت رکھی ہے۔

انہوں نے کہا کہ ’کون سے بینچ نے؟ ہم تو چار تین کے بیچ کو مانتے ہیں، تین دو والے کو نہیں مانتے۔‘

اس سے قبل نواز شریف نے لندن میں میڈیا سے گفتگو کی، اس دوران صحافی نے سوال کیا تھا کہ عمران خان نے پھر دھرنوں اور لانگ مارچ کا اعلان کردیا ملک آگے کیسے چلے گا؟

جس پر نوازشریف نے جواب دیا تھا کہ عمران خان چل سکے یا نہ چل سکے، ملک تو چلے گا۔

گزشتہ روز بھی صحافی نے نواز شریف سے سوال کیا تھا کہ کیا ثاقب نثار کے خلاف قانونی کارروائی ہونی چاہئے؟ جس پر انہوں نے کہا تھا کہ ثاقب نثارکیخلاف کارروائی ہونی چاہیے، ثاقب نثارنےقانون توڑا ہے اور آئین کی خلاف ورزی کی ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں