نواز شریف کی کورونا ویکسینیشن کی جعلی انٹری کرنے والے اسپتال ملازمین کیخلاف انکوائری کی منظوری

لاہور: نوازشریف کی کورونا ویکسی نیشن کی جعلی انٹری پر کوٹ خواجہ سعید اسپتال کے چھ ملازمین کے خلاف انکوائری کی منظوری دے دی گئی۔

تفصیلات کے مطابق سابق وزیر اعظم نواز شریف کی کورونا ویکسی نیشن کی جعلی انٹری کے معاملے پر کوٹ خواجہ سعیداسپتال کے 6 ملازمین کیخلاف پیڈاایکٹ کے تحت انکوائری کی منظوری دے دی گئی۔

سیکریٹری اوقاف ومذہبی امور کو انکوائری افسر مقرر کردیا گیا ہے ، سابق ایم ایس ڈاکٹر احمد ندیم، ڈاکٹر منیر احمد، اسٹاف نرس سمیت 6 ملازمین شامل ہیں۔

محکمہ صحت پنجاب نے بتایا کہ کلرک،نرس، وارڈ بوائے کی ملی بھگت سےجعلی انٹری ہوئی، ملازمین کو پیڈ ایکٹ کے تحت شوکاز نوٹسزجاری کردیئے گئے ہیں۔

کوٹ خواجہ سعید اسپتال میں 22 ستمبر 2021 کو نواز شریف کیلئے جعلی انٹری ہوئی ، محکمہ صحت نے کہا کہ سابق ایم ایس اور دیگر عملے کا مؤقف لینےکی کوشش کی جارہی ہے۔

Comments