اسلام آباد : ایم کیو ایم کے استعفوں کی واپسی کے متعلق وزیر اعظم نواز شریف سے وزیر خزانہ اسحاق ڈار نے ملاقات کی۔
تفصیلات کے مطابق وزیراعظم نوازشریف ایم کیوایم استعفوں سےمتعلق پیش رفت کا جائزہ لینےوزیرخزانہ کے ساتھ سر جوڑکربیٹھ گئے۔
اس حوالے سے وزیراعظم نے اب تک کی پیش رفت کا جائزہ لینے کیلئے وفاقی وزیر خزانہ اسحاق ڈارسے اسلام آباد میں اہم ملاقات کی۔
ذرائع کےمطابق اسحاق ڈار نےایم کیوایم رہنما ڈاکٹر فاروق ستار سے بھی رابطہ کیاہے۔موجودہ سیاسی صورتحال کےسبب ایم کیوایم استعفوں کا معاملہ التواءکا شکارہے۔
دوسری جانب جےیوآئی کے سربراہ مولانا فضل الرحمان کی استعفوں کے معاملے پر وزیراعظم سےملاقات نہیں ہوسکی۔
فضل الرحمان نے پیپلزپارٹی اور ن لیگ کے درمیان جاری تناؤ پر گفتگوکیلئے اپوزیشن لیڈر خورشید شاہ سے ملاقات کا وقت مانگ لیا ہے۔
