اسلام آباد : نا اہل وزیراعظم میاں محمد نوازشریف کا کہنا ہے کہ کراچی کا امن ٹھیک کیا ہے، کیا اس بات کی سزا تونہیں دی جا رہی ہے۔
تفصیلات کے مطابق سابق وزیراعظم میاں محمد نوازشریف نے احتساب عدالت کےباہرغیر رسمی گفتگو کرتے ہوئے کہا کہ مجھے یہ تو بتائیں کیسز کون سے ہیں، کیا کوئی ٹھیکے لیے ہیں یا کوئی رشوت کا کیس ہے۔
نااہل وزیراعظم نوازشریف نے کہا کہ کہیں مجھے دہشت گردی ختم کرنےکی سزا تو نہیں دی جارہی۔ انہوں نے کہا کہ ہم نے پاکستان کی معیشت کو ٹھیک کیا۔
نوازشریف، مریم نواز اور کیپٹن صفدراحتساب عدالت پہنچ گئے
سابق وزیراعظم نوازشریف نے کہا کہ ایسے موقع پر جمہوریت کا ساتھ دینا چاہیے، کسی کو خوش کرنے میں لگ جائیں تویہ جمہوریت کے ساتھ مذاق ہوگا۔
انہوں نے کہا کہ آصف زرداری کسی اورکو خوش کرنے کے لیے مجھےگالیاں دے رہےہیں۔
نا اہل وزیراعظم میاں محمد نوازشریف نےکہا کہ جو اس ملک میں ہورہا ہے وہ دنیا کے کسی ملک میں نہیں ہوتا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئرکریں۔
