لندن: مسلم لیگ ن کے قائد اور سابق وزیراعظم نواز شریف کا کہنا ہے کہ صحافیوں کو بغض اور حسد سے پاک ہوکر کام کرنا چاہیے۔
اے آر وائی نیوز کے مطابق سابق وزیراعظم نواز شریف نے صحافیوں سے ملاقات کے بعد گفتگو کرتے ہوئے کہا کہ جو صحافی ہمارے حق میں لکھتے رہے ان کا شکریہ اور جنہوں نے خلاف لکھا ان کا بھی شکریہ ادا کرتے ہیں۔
نواز شریف نے کہا کہ تنقید برائے تنقید نہیں برائے اصلاح ہونی چاہیے، میرے حق میں اور خلاف لکھنے والے تمام صحافیوں کا شکر گزار ہوں۔
نواز شریف کا دفتر میں ممکنہ آخری روز، صحافیوں سے ملاقات#ARYNews #NawazSharif pic.twitter.com/VCP6d4vQxZ
— ARY NEWS (@ARYNEWSOFFICIAL) October 6, 2023
انہوں نے کہا کہ لندن میں میرے خلاف مظاہروں سے کیا حاصل ہوا، چار سال مظاہرے کیے گئے ان کا کیا مقصد تھا، سیاسی مظاہرے کیے گئے ان کا کیا مقصد تھا؟
نواز شریف نے کہا کہ سیاسی مظاہرے کرنے ہیں تو پاکستان جاکر کریں، مریم اورنگزیب سمیت دیگر خواتین کا لندن میں گھیراؤ کیا گیا، برطانیہ میں سب کو پاکستانی بن کر رہنا چاہیے۔
