The news is by your side.

Advertisement

یوم پاکستان ہماری تاریخ کا تابناک اورناقابل فراموش دن ہے‘ نوازشریف

لاہور: سابق وزیراعظم نوازشریف نے یوم پاکستان پر اپنے پیغام میں کہا کہ آج قرارداد پاکستان کے مقاصد،ان کے حصول کی جدوجہد کےعزم کا دن ہے۔

تفصیلات کے مطابق مسلم لیگ ن کے قائد نوازشریف نے یوم پاکستان پرقوم کو مبارکباد دیتے ہوئے کہا کہ یوم پاکستان ہماری تاریخ کا تابناک اورناقابل فراموش دن ہے۔

نوازشریف نے کہا کہ مادروطن کے دفاع، سلامتی اور حفاظت کے لیے لازوال قربانیاں دی گئیں، ہم اپنے شہدا کوخراج عقیدت پیش کرتے ہیں، قربانیوں کی بدولت ملک سے دہشت گردی مٹ رہی ہے۔

سابق وزیراعظم نے کہا کہ پاکستان جمہوری جدوجہد، ووٹ کی طاقت سے دنیا کے نقشے پرنمودار ہوا جبکہ ملکی ترقی جمہوری نظام کے تسلسل اورووٹ کے تقدس میں پنہاں ہیں۔

نوازشریف نے کہا کہ جمہوریت، آئین وقانون کی حکمرانی ہی آگے بڑھنے کا راستہ ہے، آج قائد کا مقصد اوراقبال کا خواب مکمل ہوتا دیکھ رہے ہیں۔

مسلم لیگ ن کے قائد نے کہا کہ ملک سےاندھیرے مٹ رہے ہیں، ملک سے دہشت گردی کا خاتمہ ہورہا ہے، ملک اقتصادی ترقی پرگامزن ہے، دنیامیں با وقارتشخص سے ابھررہا ہے۔


پاکستان کوعظیم سےعظیم تربنا کرقائد کا خواب پورا کریں گے‘ شہبازشریف


خیال رہے کہ وزیراعلیٰ پنجاب شہبازشریف نے یوم پاکستان پر اپنے پیغام میں کہا کہ قوم کو مسائل سے نکالنے کے لیے مخلصانہ کاوشیں کررہے ہیں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں