اسلام آباد : سابق وزیراعظم میاں نوازشریف کا کہنا ہے کہ سرگودھا میں ہمارے امیدوارکے پاس شیرکا نشان نہیں تھا، ہمارے امیدوار پھربھی 20 ہزار ووٹوں سے کامیاب ہوا۔
تفصیلات کے مطابق احتساب عدالت میں پیشی کے بعد میڈیا سے گفتگو کرتے ہوئے مسلم لیگ ن کے قائد نوازشریف نے کہا کہ کیا ہمارانشان چھیننے سے آپ ہمارا نشان مٹائیں دیں گے؟۔
نوازشریف نے کہا کہ جتنےفیصلے دو گےعوام اتنا ہی ہمارا ساتھ دیں گے، جتنے فیصلے دو گےعوام اتنا ہی ہمارا ساتھ دیں گے، اب عوام روزبروزباشعورہو رہے ہیں، عوام اب یہ سکھا شاہی برداشت کرنے کو نہیں۔
مسلم لیگ ن کے قائد نے کہا کہ بغیر کسی وجہ کے وزیراعظم کو باہر نکال کر پھینک دیا گیا، منتخب وزیراعظم کو اس طرح سے نکال کر باہر پھینکا عوام اب برداشت نہیں کریں گے۔
نوازشریف کا کہنا تھا کہ جو ظم برداشت کرتا رہتا ہے اور ظلم کے خلاف کھڑا نہیں ہوتا وہ سب سے بڑا ظالم ہے، انہوں نے کہا کہ ہمارے 70سال جیسے گزرگئے ویسے اب نہیں گزرنے چاہییں۔
سابق وزیراعظم کا سینیٹ انتخابات کے حوالے سے کہنا تھا کہ سینیٹ انتخابات میں جہاں پیسہ چلا اور ووٹ خریدے، اس کا حساب کتاب ہونا چاہیے۔
الیکشن سے باہر رکھنے کے لیے نیا مقدمہ دائر کیا جارہا ہے، نوازشریف
خیال رہے کہ گزشتہ روز نوازشریف کا کہنا تھا کہ میرے خلاف آنے والے فیصلوں میں غصے اور انتقام کی جھلک سب کو دکھائی دے رہی ہے، الیکشن سے باہر کرنے کے لیے نیا مقدمہ درج کیا جارہا ہے۔
