نواز شریف کا لندن جانے کا فیصلہ، کل روانگی متوقع nawaz sharif going to london
The news is by your side.

Advertisement

نواز شریف کا ایک بار پھر لندن جانے کا فیصلہ

لاہور: سابق وزیراعظم نواز شریف نے ایک بار پھر لندن جانے کا فیصلہ کرلیا، آج انہوں نے توسیع شدہ برطانوی ویزا حاصل کرلیا، دوسری جانب احتساب عدالت نے انہیں تاحال حاضری سے استثنیٰ نہیں دیا۔

تفصیلات کے مطابق احتساب عدالت سے حاضری کا استثنیٰ نہ ملنے کے باوجود سابق وزیراعظم نواز شریف نے دوبارہ لندن جانے کا فیصلہ کیا ہے جس کے لیے وہ آج برطانوی ویزا سینٹر پہنچے اور توسیع شدہ برطانوی ویزا حاصل کرلیا۔

اطلاعات ہیں کہ وزیر اعظم نواز شریف کی لندن روانگی کل متوقع ہے دوسری جانب احتساب عدالت نے انہیں تاحال حاضری سے استثنی نہیں دیا ہے۔


اے آر وائی نیوز کے نمائندے الفت مغل نے بتایا کہ نواز شریف نے برطانوی ویزا سینٹر کے حکام سے ملاقاتیں بھی کیں، کلثوم نواز کی طبعیت تاحال خراب ہے جس کے باعث امکان ہے کہ وہ کل صبح ہی لندن روانہ ہوجائیں گے۔

اس ضمن میں اے آر وائی نیوز نے احتساب عدالت کا تحریری فیصلہ حاصل کرلیا جس کے مطابق نواز شریف کی حاضری سے استثنیٰ کی درخواست پر فیصلہ ہونا ابھی باقی ہے۔


اے آر وائی نیوز کے نمائندے ذوالقرنین حیدر نے بتایا کہ احتساب عدالت نے کل بچوں اور ان کے خلاف مقدمات کی سماعت کی جس کا تحریری فیصلہ جاری کیا ہے جس میں بتایا کہ نواز شریف کی جانب سے دی گئی حاضری سے استثنیٰ کی درخواست پر فیصلہ کیا جانا باقی ہے۔
تحریری فیصلے میں یہ بھی کہا گیا ہے کہ ملزم نواز کو ریفرنس کی کاپیاں فراہم کردی گئی ہیں، حسن، حسین ، صفدر اور مریم کو طلب کیا گیا لیکن وہ پیش نہی ہوئے ان کے وارنٹ گرفتاری جاری کردیے گئے ہیں اور انہیں دو تاریخ کو پیش ہونا ہوگا۔

نمائندے نے بتایا کہ ریفرنس کی کاپیاں اس وقت فراہم کی جاتی ہیں جن کسی ملزم پر فرد جرم عائد کرنی ہو تو ان چاروں کو بھی ریفرنس کی کاپیاں فرد جرم عائد کرنے کے لیے ہی فراہم کی گئی ہیں، دو تاریخ کو ان پر فرد جرم عائد کی جائے گی۔

احتساب عدالت کے تحریری فیصلے کے مطابق بدانتظامی کی وجہ سے کیس کی مزید سماعت نہیں کی جاسکی، آئندہ سماعت پر مزید بحث کی جائے گی۔

Comments

comments

یہ بھی پڑھیں