The news is by your side.

Advertisement

نواز شریف کی گرفتاری: ایک سال بعد ثبوت پیش کرنے کا خیال کیوں آیا ؟ سوالات اٹھ گئے

ویڈیو ریلیز کے ساتھ ہی فلاپ ہو گئی فلاپ شو کےبعد مزید ویڈیوز کی دھمکی والد کی رہائی کے ثبوت چھپائے کیوں؟

کراچی : اپنے قائد کے مقدمے سے لے کرگرفتاری تک ن لیگ کوئی ایسا ثبوت پیش نہ کرسکی جو میاں نواز شریف کو بےگناہ ثابت کرسکے، مگر جب سے میاں جی گرفتار ہوئے ہیں ن لیگ کو جیسے ثبوت کا بخار ہوگیا ہے۔

مختلف حلقوں میں یہ سوالات جنم لے رہے ہیں کہ اب ن لیگ کا ایجنڈا کیا ہے کیا ن لیگ جمہوریت کا نام لے کر اپنے غیرجمہوری عمل سے ملک کوغیرمستحکم کرناچاہتی ہے، پلی بارگین چاہتی ہے یا پریشر ڈالنا چاہتی ہے؟

کسی کو نہیں معلوم تھا کہ ن لیگ کے پاس ایک ایسا ثبوت بھی ہے جس سے میاں نواز شریف کے خلاف مقدمہ کمزور بھی ہو سکتا ہے۔ مگر جسے معلوم تھا اس نے اس ثبوت کو چھپا کے رکھا کیونکہ اسے میاں نواز شریف کا جیل جانا سوٹ کرتا تھا۔

یہ اندرونی چپقلش تھی یا کچھ اور ہوا یہ ہی  مگر تیرہ جولائی دو ہزار اٹھارہ کو میاں نواز شریف کو گرفتار کیا گیا اور ایک سال گزرنے کے بعد ن لیگ کو ہوش آیا کہ ان کے پاس ثبوت ہے، ایک ایسی ویڈیو جس کی محترم عدلیہ کے جج نے رد کیا۔

ایک سال انتظار کے بعد کی جانے والی یہ کوشش نواز شریف کی رہائی کیلیے تو نہیں ہوسکتی، تو کیا ن لیگ نے عدلیہ کو تڑی لگانے کی کوشش کی ہے؟

یقینا ایسا ہی محسوس ہوتا ہے کہ پہلی ویڈیو کو پریس کانفرنس میں زور شور سے ریلیز کیا گیا مریم نواز کو امید تھی کہ دیکھنے والوں کا رش پڑے گا ، کھڑکی توڑ رش ہوگا ، مگر ویڈیو تو ریلیز کے ساتھ ہی فلاپ ہو گئی۔

جیسے ہی پہلی فلم کو ناکام ہوتے دیکھا تو دوسری تڑی لگا ڈالی، مریم بی بی کہتی ہیں میرے پاس اور بھی ویڈیوز اور آڈیوز ہیں، مریم بی بی اگر آپ کے پاس مزید آڈیوز اور ویڈیوز ہیں تو قوم کے سامنے لے آئیں۔ اب تک کیوں اپنے والد کی رہائی کے ثبوت چھپائے بیٹھی ہیں؟

کہیں ایسا تو نہیں کہ مریم نواز کی مسلم لیگ ن نے ہوا میں تیر چلایا ہو ؟ کہیں ایسا تو نپیں کہ مریم نواز حکومت یا کسی ادارے پر دباو ڈالنا چاہتی ہیں ؟ اور کہیں ایسا تو نہیں کہ مریم بی بی ماضی کی طرح کسی بارگین کی تلاش میں ہیں مجسم پلی بارگین، مگر ماضی کی کارکردگی کو مد نظر رکھتے ہوئے تو ایسا معلوم ہوتا ہے کہ سپریم کورٹ پر حملہ اور ۔جسٹس قیوم کو ٹیلی فون کے بعد ن لیگ جمہوریت پر حملہ آور ہونا چاہتی ہے

Comments

یہ بھی پڑھیں