کراچی : ناظم جوکھیو قتل کیس میں عدالت نے پولیس کی جانب جمع کروائے گئے چالان پر فیصلہ ایک بار پھر موخر کردیا ۔
تفصیلات کے مطابق جوڈیشل مجسٹریٹ ملیر میں ناظم جوکھیو قتل کیس کی سماعت ہوئی ، عدالت نے پولیس کی جانب جمع چالان پر فیصلہ ایک بار پھر موخر کردیا۔
عدالت نے کہا کہ پولیس چالان منظور کرنےیانہ کرنے کا فیصلہ 16 جولائی کوہوگا۔
پولیس نے جام کریم،جام اویس سمیت13ملزمان کےنام خارج کرنےکی سفارش کررکھی ہے جبکہ کیس میں صرف 3 ملزمان کو نامزد کیا گیا ہے۔
پولیس نے عدالتی حکم پر کیس سے دہشت گردی کی دفعات ختم کردی تھیں۔
یاد رہے ناظم جوکھیو کو نومبر 2021 میں ملیر میمن گوٹھ کی حدود میں تشدد کر کے قتل کردیا تھا۔
