شوبز انڈسٹری کی معروف اداکارہ نازش جہانگیر نے معنی خیز پیغام شیئر کردیا۔
فوٹو اور ویڈیو شیئرنگ ایپ انسٹاگرام پر اداکارہ نازش جہانگیر نے نئی تصاویر شیئر کیں جس میں انہیں سیاہ پینٹ شرٹ میں کیپ پہنے خصوصی پوز دیتے دیکھا جاسکتا ہے۔
اداکارہ نے جوتوں کی میچنگ کا پرس بھی ساتھ رکھا ہوا ہے۔ نازش جہانگیر نے تصاویر شیئر کرتے ہوئے کیپشن میں لکھا کہ ’جدائی بہت میٹھا غم ہے۔‘
اداکارہ نے چند گھنٹوں قبل یہ تصاویر شیئر کیں جسے ہزاروں کی تعداد میں مداح دیکھ چکے ہیں اور اس پر اپنی رائے کا اظہار بھی کررہے ہیں۔
واضح رہے کہ نازش جہانگیر سوشل میڈیا پر کافی متحرک رہتی ہیں اور اکثر اپنی تصاویر شیئر کرتی رہتی ہیں جسے ان کے مداح بھی پسند کرتے ہیں۔
اس سے قبل بھی اداکارہ نے تصاویر شیئر کی تھیں جو وائرل ہوگئی تھیں۔
نازش جہانگیر نے اے آر وائی ڈیجیٹل کے ڈرامہ سیریل ’بے رخی‘ میں منفی کردار نبھایا تھا جس کی لیڈ کاسٹ میں جنید خان اور حبا بخاری شامل تھے۔
