The news is by your side.

Advertisement

یکم اگست کے بعد اندرون ملک فضائی سفر کرنے والوں پر بڑی شرط عائد

اسلام آباد : نیشنل کمانڈ اینڈ آپریشن سینٹر نے یکم اگست سے اندرون ملک فضائی سفر کے لیے ویکسی نیشن سرٹیفکیٹ لازمی قرار دیتے ہوئے نیا ہدایت نامہ جاری کردیا۔

تفصیلات کے مطابق نیشنل کمانڈ اینڈ آپریشن سینٹر نے کورونا کی چوتھی لہر کے پیش نظر یکم اگست سےاندرون ملک فضائی سفر کے لیے ویکسی نیشن سرٹیفکیٹ لازمی قرار دے دیا۔

این سی او سی کا کہنا ہے کہ شہری پریشانی سےبچنےکےلیے31جولائی تک ویکسین لگوالیں اور شہری ویکسی نیشن کراکرسرٹیفکیٹ حاصل کریں۔

دوسری جانب این سی اوسی نے اندرون ملک فضائی سفر کے لیے نیا ہدایت نامہ جاری کردیا ہے ، جس میں کہا گیا ہے کہ 18سال سے زائد عمر کے افراد بلا ویکسی نیشن اندرون ملک سفر نہیں کرسکیں گے، پابندی کا اطلاق یکم اگست سےاندرون ملک پروازوں پر ہوگا۔

این سی او سی کا کہنا تھا کہ بیرون ملک سفر کرنے والےپابندی سےمستثنیٰ ہوں گے، ری ایکشن کی وجہ سے ویکسین نہ لگوانے والے پابندی سےمستثنیٰ ہوں گے جبکہ غیرملکیوں کو بھی پابندی سے استثنیٰ حاصل ہوگا۔

این سی اوسی کے مطابق بیرون ملک سے ویکسینیشن کی دستاویزرکھنے والوں پربھی پابندی عائد نہیں ہوگی۔

Comments

یہ بھی پڑھیں