The news is by your side.

Advertisement

این سی اوسی کی 80 فیصد انٹرنیشنل فلائٹس کم کرنے کی تجویز

اسلام آباد : نیشنل کمانڈ اینڈ آپریشن سینٹر نے ملک میں کورونا کیسز میں اضافے کے پیش نظر 80 فیصد بین الاقوامی پروازیں کم کرنےکی تجویز دے دی۔

تفصیلات کے مطابق پاکستان میں کورونا کی تیسری لہر بے قابو ہو گئی ہے اور اموات میں مسلسل اضافہ ہو رہا ہے، نیشنل کمانڈ اینڈ آپریشن سینٹر نے صورت حال کے پیش نظر 80فیصد انٹر نیشنل فلائٹس کم کرنےکی تجویز دے دی۔

این سی او سی کا کہنا ہے کہ 20فیصدانٹرنیشنل فلائٹس آپریٹ کرنےکی اجازت دی جائےگی ، اس حوالے سول ایوی ایشن اتھارٹی احکامات ملنے پر باضابطہ نوٹم جاری کرے گی۔

دوسری جانب پاکستان کیلئے عالمی پروازوں کی تعداد میں اضافے کے معاملے پر سیکریٹری سول ایوی ایشن کی صدارت جمعہ کواسلام آباد میں اجلاس طلب کرلیا گیا ہے۔

جس میں پی آئی اے،نجی ائیرلائن سمیت غیرملکی ایئرلائن کےکنٹری ہیڈ شرکت کریں گے اور سی اےاےکاشعبہ ائیرٹرانسپورٹ سیکرٹری ایوی ایشن کوبریفنگ دے گا۔

اجلاس میں پی آئی اے،نجی ائیرکےتحفظات بھی دورکئےجائیں گے ، غیرملکی ائیرلائن نےپروازوں کی سی اےاےسےاجازت طلب کی ہے، سب سےزیادہ متحدہ عرب امارات کی ائیرلائن نےاجازت مانگی ہے جبکہ دیگر ممالک میں ترکی ، ہنگری اور برطانیہ شامل ہیں۔

Comments

یہ بھی پڑھیں