اسلام آباد: این ڈی ایم اے نے طلبا کیلئے مصوری اور فوٹو گرافی کے مقابلوں کا اعلان کردیا ، ایکسپومیں انجینئرنگ کے طلبا کیلئے ڈیزاسٹر سے محفوظ ماڈلزکےمقابلے ہوں گے۔
تفصیلات کے مطابق آفات کے تدارک کیلئے بین الاقوامی نمائش اور مقابلوں کا انعقاد کیا جارہا ہے، این ڈی ایم اے نے طلبا کیلئے مصوری اور فوٹو گرافی کےمقابلوں کااعلان کردیا۔
ایکسپومیں انجینئرنگ کے طلبا کیلئے ڈیزاسٹرسےمحفوظ ماڈلزکےمقابلے ہوں گے ، مقابلوں کا مقصد نوجوان نسل میں آفات سےمتعلق آگاہی دینا ہے۔
ترجمان این ڈی ایم اے نے بتایا کہ طلبااپنا آرٹ ورک 25 مارچ تک جمع کروا سکتے ہیں ، نتائج کااعلان پاکستان کی پہلی بین الاقوامی ڈیزاسٹر رسک ریڈکشن ایکسپومیں ہوگا، ایکسپو 23 سے25 اپریل تک اسلام آباد میں ہوگی۔
این ڈی ایم اے کا کہنا تھا کہ پہلی پوزیشن پرایک لاکھ، دوسری پر 75ہزار، تیسری پوزیشن پر50ہزاردیےجائیں گے۔
ترجمان کے مطابق نمائش میں 44 ممالک کے ڈیزاسٹر مینجمنٹ سے منسلک اداروں کے وفود شرکت کریں گے جبکہ بین الاقوامی نمائش میں شنگھائی تعاون تنظیم اور سارک ممالک بھی شریک ہوں گے ، نمائش کے ذریعے آفات کے خطرات سے آگاہی ، پیشگی تیاریوں کوفروغ ملے گا۔
