اسلام آباد: ادارہ برائے ڈیزاسٹر مینجمنٹ (این ڈی ایم اے) کی مون سون بارشوں سے متعلق احتیاطی تدابیر اختیار کرنے کی ہدایت جاری کی ہے۔
تفصیلات کے مطابق آج سے مون سون بارشوں کا سسٹم ملک میں داخل ہوگا، این ڈی ایم اے نے کہا ہے کہ 4 سے 7 جولائی تک پشاور، لاہور،گجرانوالہ، اسلام آباد راولپنڈی کے نشیبی علاقوں میں اربن فلڈنگ کا خدشہ ہے۔
این ڈی ایم اے کا کہنا ہے کہ مری، گلیات،گلگت بلتستان خیبرپختونخو میں پہاڑی علاقوں میں لینڈ سلائیڈنگ کا خدشہ ہے۔
اس حوالے سے این ڈی ایم اے نے پی ڈی ایم اے،این ایچ اے، ضلعی انتظامیہ اور ریسیکو اداروں کو مراسلہ جاری کردیا۔
این ڈی ایم اے نے تمام اداروں کو پیشگی اقدامات کرنے، ریسکو اداروں کو ایمرجنسی سروس الرٹ رکھنے، موٹر وے پولیس، ٹریفک پولیس کو قانون نافذ کرنے والے اداروں کے ساتھ رابطہ قائم کرنے کی ہدایت جاری کی ہے۔
این ڈی ایم اے کا کہنا ہے کہ سڑکوں پر کسی رکاوٹ کی صورت میں این ایچ اے ایف ڈبلیو او کے ساتھ رابطے میں رہیں، دریاؤں، ندی نالوں اور شہری علاقوں میں پانی کی سطح کی نگرانی کی جائے۔
