پاکستان شوبز انڈسٹری کی معروف اداکارہ نیلم منیر کی مہندی کی تصاویر سوشل میڈیا پر وائرل ہوگئی۔
گزشتہ روز اداکارہ نیلم منیر نے دبئی میں رشتہ ازدواج میں بندھنے کی تصاویر شیئر کیں جو سوشل میڈیا پر وائرل ہیں، نکاح میں نیلم منیر نے سفید رنگ کا عروسی جوڑا زیب تن کیے جبکہ ان کے شوہر کو سفید رنگ کے روایتی عربی جبے میں ملبوس دیکھا گیا۔
View this post on Instagram
تاہم اب اداکار عمران عباس نے فوٹو اینڈ شیئرنگ ایپ انسٹاگرام پر نیلم کی مہندی کی تصاویر شیئر کی ہے جس میں وہ اداکارہ کے ہمراہ پوز دیتے ہوئے نظر آرہے ہیں۔
نیلم منیر کے دولہے کی تصاویر سامنے آگئیں
اداکارہ نیلم نے اپنی مہندی کی تقریب میں ملٹی کلر میں ایک خوبصورت جوڑا پہنا تھا جبکہ اداکار عمران عباس بلیک سوٹ میں نطر آرہے ہیں۔
View this post on Instagram
اداکارہ عمران عباس نے تصاویر شیئر کرتے ہوئے کیپشن میں لکھا کہ ’نیا سفر نئی زندگی مبارک ہو نیلم، آپ زندگی میں اس دنیا کی ہر خوشی کے مستحق ہیں، مہندی پر لی گئی تصاویر‘۔
واضح رہے کہ پاکستان شوبز انڈسٹری کی معروف اداکارہ نیلم منیر دبئی کے بزنس مین کے ساتھ شادی کے بندھن میں بندھ گئیں جس کی تصاویر انہوں نے سوشل میڈیا پر شیئر کی تھی۔
اس سے قبل اداکارہ نیلم نے انسٹاگرام پر مایوں کی چند تصاویر شیئر کی تھیں جو وائرل ہوگئی تھیں، ان کی شادی کی تقریبات کا آغاز مایوں سے ہوا تھا۔
