نیلم جہلم ہائیڈرو پاور پروجیکٹ پر بھارتی حملے کے بعد، چیئرمین واپڈا کی جانب سے پروجیکٹ کا دورہ کیا گیا اور ملازمین سے ملاقات کی گئی۔
چیئرمین واپڈا نے نوسیری میں واقع ڈیم سائٹ پر نقصانات کا جائزہ لیا، اس موقع پر چیئرمین واپڈا نے ڈیم سائٹ پرتعینات واپڈا ملازمین سے ملاقات کی اور انکی حوصلہ افزائی کی، چیئرمین واپڈا نے ڈیم، ڈی سینڈرز اوران ٹیک کا تفصیلی دورہ کیا۔
بریفنگ کے دوران چیئرمین واپڈا کو بتایا گیا کہ نیلم جہلم ہائیڈرو پاور پروجیکٹ پر بھارتی گولہ باری 6 گھنٹے جاری رہی۔
بھارت کا جنگی جنون: پاکستان کی تینوں بندرگاہوں پر ہائی الرٹ ، ماہی گیری پر پابندی عائد
بھارتی گولہ باری کے نتیجے میں ان ٹیک گیٹس کے ہائیڈرولک یونٹ ون کو نقصان پہنچا، بھارتی حملے سے ڈی سینڈرز 1 اور 3 کے ری انفورسمنٹ اسٹرکچر کو بھی نقصان پہنچا۔
حملے میں ملازمین کے رہائشی کیمپ اور ایمبولینس سمیت میڈیکل سہولت کو ٹارگٹ کیاگیا، چیئرمین واپڈا نے کہا کہ عالمی قوانین مکمل جنگ میں بھی واٹر اسٹرکچرز پر حملے کی اجازت نہیں دیتے۔
