پاکستان اور روس کے درمیان وزرا کی سطح پر مذاکرات کل ہوں گے۔ مذاکرات کے آخری روز پاکستان اسٹریم گیس پائپ لائن کی تعمیر پر بات ہو گی۔
ذرائع کے مطابق پاکستان میں گیس کی ٹرانسپورٹیشن کے معاملے پر بھی بات چیت ہو گی۔ مذاکرات میں تیل اور تیل کی مصنوعات کی پاکستان کو درآمد پر مذاکرات ہوں گے۔
پاک روس مذاکرات میں روس کو قرضےکی ادائیگی کے تصفیے پر بات ہو گی۔ باہمی تجارتی ادائیگیوں کے لیے انفرااسٹرکچر کے قیام پر بات چیت ہوگی۔
ذرائع کا کہنا ہے کہ تجارتی تعاون کیلئے پاکستانی حکام کی معلومات پر روسی حکام سے تبادلہ خیال ہو گا۔ اس اقدام کا مقصد پاکستان پر پابندیاں عائد ہونے سے بچنا ہے۔
مذاکرات کے آخری روز مختلف شعبوں میں تعاون کے معاہدوں کا بھی امکان ہے۔
