The news is by your side.

Advertisement

بچے کے معذور ہونے کا معاملہ، نیپرا کا کے الیکٹرک کے خلاف قانونی چارہ جوئی کا اعلان

کراچی: نیپرا نے کے الیکٹرک کے خلاف قانونی چارہ جوئی کا اعلان کرتے ہوئے کہا ہے کہ کے الیکٹرک کے خلاف سیفٹی اسٹینڈرڈ پر پورا نہ اترنے پر کارروائی ہوگی۔

تفصیلات کے مطابق کے الیکٹرک کی نااہلی سے بچے کے معذور ہونے کے معاملے پر نیپرا نے نوٹس لیتے ہوئے کے الیکٹرک کے خلاف قانونی چارہ جوئی کا اعلان کیا ہے۔

نیپرا کا کہنا ہے رابطے کے باوجود کے الیکٹرک نے اب تک رپورٹ پیش نہ کی، کے الیکٹرک کے خلاف سیفٹی اسٹینڈرڈ پر پورا نہ اترنے پر کارروائی ہوگی۔

واضح رہے کہ چند روز قبل کراچی کے علاقے احسن آباد میں کے الیکٹرک کی لاپرواہی کے باعث 8 سالہ بچے عمر پر بجلی کے تار گرگئے تھے ، جس کے باعث بچے کے دونوں بازو ضائع ہوگئے تھے۔

مزید پڑھیں: ننھا عمر دونوں بازؤں سےمحروم، غفلت پر کے الیکٹرک کیخلاف مقدمہ درج

متاثرہ بچے کے والدین کی جانب سے کے الیکٹرک کی لاپرواہی پر ادارے کے خلاف بھرپور قانونی چارہ جوئی کرنے کا اعلان کیا تھا۔

بعد ازاں گورنر سندھ عمران اسماعیل نے 8 سالہ بچے عمر کے بازو ضائع ہونے پر کے الیکٹرک کے حکام سے تار گرنے کی وضاحت طلب کرتے ہوئے متاثرہ بچے کو علاج معالجے کی تمام سہولتیں فرام کرنے کی ہدایات جاری کی تھی۔

مزید پڑھیں: کے الیکٹرک کی نااہلی کا ایک اور واقعہ، نوجوان کرنٹ لگنے سے جاں بحق

خیال رہے کہ گزشتہ روز بھی شہر قائد کے علاقے لانڈھی میں کے الیکٹرک کی نااہلی کا ایک اور واقعہ سامنے آیا تھا جہاں 25 سالہ نوجوان لٹکتے تار سے کرنٹ لگنے سے جاں بحق ہوگیا تھا۔

Comments

comments

یہ بھی پڑھیں