نیشنل الیکٹرک پاور ریگولیٹری اتھارٹی (نیپرا) نے 27 جون 2024 کو کے الیکٹرک کی ٹیرف پٹیشن برائے ڈسٹری بیوشن، ٹرانسمشن اور سپلائی کے ملٹی ایئر ٹیرف کے تعین کی پٹیشن پر عوامی سماعت کی۔
کےالیکٹرک نے مالی سال 2023-24 سے مالی سال 2029-30 کے ملٹی ایئر ٹیرف کی پیٹیشن نیپرا میں دسمبر 2022 میں جمع کرائی تھی۔
جمع کرائی گئی درخواستوں میں ضروری اجزاء پر روشنی ڈالی گئی ہے جو کے الیکٹرک کو اس کے زیرخدمت کے علاقے میں ایک موثر اور قابل اعتماد بجلی کی فراہمی کے لیے فعال رکھنے اور سرمایہ کاری کرنے کے قابل بنائے گی۔
سماعت اور اس کے بعد کے فیصلوں کا صارفین کے ماہانہ بلوں میں بجلی کی قیمت سے منسلک نہیں ہے، یکساں ٹیرف پالیسی کے تحت پورے ملک میں انفرادی صارفین کے لیے مساوی چارجز عائد کیئے جاتے ہیں۔
یہ سماعتیں کے الیکٹرک کے ملٹی ایئر ٹیرف کا حصہ ہیں جس کے تحت ریگولیٹر 2 ارب امریکی ڈالر کے سرمایہ کاری منصوبے کی منظوری پہلے ہی دے چکا ہے۔
سماعت کے دوران بتایا گیا کہ کے- الیکٹرک نے 2 ارب امریکی ڈالرز کی سرمایہ کاری کا منصوبہ پیش کیا ہے جس میں ٹرانسمیشن اور ڈسٹری بیوشن اور اس کے پاور ایکوزیشن پروگرام میں قابل تجدید اور مقامی وسائل پر مبنی بجلی کا حصہ بڑھایا جائے گا۔
زیر بحث درخواستیں کراچی کے پائیدار توانائی کے مستقبل کو محفوظ بنانے کے لیے بنیاد فراہم کرتی ہیں۔ ان ٹیرف پٹیشنز میں کے الیکٹرک نے کئی اہم عناصر کو شامل کیا ہے اور لاگت کی عکاسی کرنے والا ٹیرف ڈھانچہ تجویز کیا ہے، جیسے کہ سالانہ اور سہ ماہی انڈیکس کا لچکدار طریقہ کار وضع کیا ہے تاکہ یوٹیلٹی کا ٹیرف میکرو اکنامک حالات میں ہونے والی تبدیلیوں سے مطابقت رکھتا ہو۔ سروس کے معیار کو برقرار رکھنے کے لیے ایک طریقہ کار تجویز کیا گیا ہے کہ شہر کو فراہم کی جانے والی توانائی کے حجم (گیگا واٹ گھنٹے میں) میں تبدیلیوں کو ایڈجسٹ کرے، اخراجات کی وصولی ممکن ہو۔ بالآخر، یہ مالیاتی اتنظام کے الیکٹرک کی توانائی کی بڑھتی ہوئی طلب کو پورا کرنے کے لیے نیٹ ورک کو وسط دے گا۔
سرمایہ کاری کے منصوبے میں صارفین کی بڑھتی ہوئی ضروریات کے پیش نظر 500 کے وی کے کے کے آئی گرڈ سیمت ٹرانسمیشن اور ڈسٹری بیوشن نیٹ ورک کو بڑھانے میں سرمایہ کاری کر رہا ہے۔ پاور ایکوزیشن پروگرام کا مقصد 1300 میگاواٹ قابل تجدید توانائی کو شامل کرنا ہے، تاکہ سستی بجلی تک رسائی کو ممکن بنایا جا سکے۔ کمپنی بہتر نیٹ ورک گورننس کے لیے ایڈوانسڈ ڈسٹری بیوشن مینجمنٹ سسٹمز جیسی جدید، اختراعی ٹیکنالوجیز بھی حاصل کررہی ہے۔ ان کو لائین لاسز اور بجلی کی رکاوٹوں کو کم کرنے کے اقدامات کے ساتھ منسلک کیا جائے گا جو نیٹ ورک کے استحکام کو بڑھا رہا ہے۔
