اسلام آباد : نیشنل الیکٹرک پاور ریگولیٹری اتھارٹی (نیپرا) نے کے الیکٹرک سے متعلق سوالات کھڑے کردئیے اور کے الیکٹرک مستقبل میں وفاق سے بجلی لینے سے متعلق تفصیلات مانگ لیں۔
تفصیلات کے مطابق کے الیکٹرک کی بجلی کی تقسیم اور فراہمی کیلئے لائسنس کی درخواست دائر کردی گئی، جس کے بعد نیشنل الیکٹرک پاور ریگولیٹری اتھارٹی (نیپرا) نے کے الیکٹرک سے متعلق سوالات کھڑے کردئیے اور کہا کہ بجلی تقسیم و فراہمی کے قواعد کےمعیار کے مطابق کے الیکٹرک کی کیا کارکردگی ہے؟
نیپرا نے کے الیکٹرک سے بجلی کے لوڈ سے متعلق تفصیلات طلب کرلیں ، نیپرا نے سوال کیا کہ بجلی کی بڑھتی طلب پورا کرنے کیلئےکے الیکٹرک کا کیا پلان ہے؟ صارفین کوسہولتوں کی فراہمی پرکے الیکٹرک اپنے سسٹم میں کیا جدت لائی؟سروس ڈلیوری بہتر بنانے کے حوالے سے کے الیکٹرک کا مستقبل کا پلان کیا ہے؟
لوڈشیڈنگ میں کمی اور بجلی بلاتعطل فراہمی کیلئےکے الیکٹرک سے حکمت عملی بھی طلب کرلی ، نیپرا کا کہنا تھا کہ کے الیکٹرک کی لوڈشیڈنگ، غیرمنصفانہ بلنگ ،مہنگی بجلی پرشکایات ملی ہیں، بتایا جائے کے الیکٹرک نے ان مسائل کے حل کے لئے کیا اقدامات کئے ہیں۔
نیپرا نے سوال کیا کہ کیا کے الیکٹرک نے نجکاری متعین کردہ اہداف حاصل کئے ہیں؟ کے الیکٹرک کے صارفین کے پروٹیکشن کے حوالے کیا سائبرسکیورٹی اقدامات ہیں ؟
نیپرا نے تفصیلات مانگ لیں کہ کے الیکٹرک مستقبل میں وفاق سے کتنی بجلی لے گی۔
