کراچی: بجلی کی طویل لوڈ شیڈنگ، نیپرا کی رپورٹ میں کے الیکٹرک ذمہ دارقرار -
The news is by your side.

Advertisement

کراچی: بجلی کی طویل لوڈ شیڈنگ، نیپرا کی رپورٹ میں کے الیکٹرک ذمہ دارقرار

کراچی: شہر قائد میں بجلی کی طویل لوڈشیڈنگ پر نیپرا کی ٹیکنییکل ٹیم نےرپورٹ پیش کردی، جس میں کےالیکٹرک کے سب اچھا ہونے کے مؤقف کو مسترد کردیا گیا ہے۔

ملک کے معاشی حب میں بجلی کی لوڈ شیڈنگ کے مسئلے کے حوالے سے نیپرا (نیشنل الیکٹرک پاور ریگولیٹری اتھارٹی) کی ٹیکنیکل ٹیم کی رپورٹ نے کے الیکٹرک کے دعوے کا پول کھول دیا، نیپرا کی وارننگ کے باوجود کے الیکٹرک نےمطلوبہ اقدامات نہ کیے۔

رپورٹ کے مطابق کمزور بیک اپ سسٹم اور بجلی کی بحالی کے لیے منصوبہ بندی کا فقدان تھا، کےالیکٹرک نے گزشتہ سال کے بعد سسٹم کی مطلوبہ اپ گریڈیشن نہیں کی، نیپرا حکام نے کے الیکٹرک سے رئیل ٹائم ڈیٹا مانگ لیا۔

تاہم چیئرمین نیپرا نے کے الیکٹرک کی جانب سے بجلی کے نرخوں میں اضافے کی درخواست مسترد کرکے اس میں کمی کی تجویز دے دی۔

ترجمان کے الیکٹرک کا کہنا ہے کہ وہ نیپرا سے مختلف امور پر مسلسل رابطے میں رہتے ہیں اور نیپرا کے قوانین کے مطابق ہی کام کرتے ہیں۔

Comments

comments

یہ بھی پڑھیں