اسرائیلی وزیراعظم نیتن یاہو نے لبنان اسرائیل سرحد پر حزب اللّٰہ اور اسرائیلی فوج میں جاری جھڑپوں کے حوالے سے حزب اللہ کو دھمکی دی ہے۔
بین الاقوامی خبر رساں ادارے کی رپورٹ کے مطابق اسرائیلی وزیر اعظم کا کہنا تھا کہ حماس نے چند ماہ میں جو کچھ سیکھا حزب اللہ کو اس سے سبق لینا چاہیے۔
اسرائیلی وزیراعظم نیتن یاہو کا کہنا تھا کہ کوئی جنگجو بچ نہیں پائے گا۔ ہم سفارتی حل بھی نکالیں گے اگر ایسا نہ ہوا تو دوسرا راستہ اپنائیں گے۔
دوسری جانب امریکی وزیر خارجہ انٹونی بلنکن نے کہا ہے کہ فلسطینی شہریوں کو گھروں کو واپس آنے کے قابل ہونا چاہیے۔
امریکی وزیر خارجہ کا کہنا ہے کہ اقوام متحدہ غزہ میں بے گھر ہونے والے شہریوں کو گھروں کو واپس جانے کی اجازت دینے میں اہم کردار ادا کر سکتا ہے کیونکہ اسرائیل اپنی فوجی مہم کے ”کم شدت کے مرحلے”کی طرف بڑھ رہا ہے۔
بلنکن نے کہا کہ فلسطینی شہریوں کو حالات کی اجازت کے ساتھ ہی گھر واپس آنے کے قابل ہونا چاہیے ان پر غزہ چھوڑنے کے لیے دباؤ نہیں ڈالا جا سکتا۔
مودی کو مسخرہ، دہشتگرد اور اسرائیلی کٹھ پتلی کس نے کہا؟
انہوں نے اسرائیلی حکام کے ان بیانات کو مسترد کر دیا جس میں غزہ کے رہائشیوں کی بڑے پیمانے پر نقل مکانی کا مطالبہ کیا گیا تھا۔
