اسرائیلی وزیراعظم نیتن یاہو کا دعویٰ ہے کہ حماس کے سربراہ محمد سنوار کو ہلاک کردیا گیا ہے۔
اسرائیلی وزیراعظم کی جانب سے محمد سنوار کی ہلاکت کے دعوے پر حماس کی جانب سے فوری طور پر کوئی تبصرہ نہیں کیا گیا ہے۔
محمد سنوار گزشتہ سال اسرائیلی فوج کے ہاتھوں اپنے بھائی یحییٰ سنوار کی شہادت کے بعد نئے سربراہ بنے تھے۔
تاہم ابھی یہ واضح نہیں ہے کہ محمد السنوار کی شہادت کا واقعہ کس علاقے میں اور کس طرح پیش آیا۔
اسرائیلی حکومت نے بھی تاحال محمد سنوار کی شہادت کی تصدیقی عمل کے پورا ہونے سے متعلق کوئی دعویٰ نہیں کیا ہے۔
اسرائیل کا عازمین حج کے لیے مختص مسافر طیارے پر فضائی حملہ
حماس کی جانب سے اب تک اپنے سربراہ کی اسرائیلی حملے میں شہادت کی خبروں کی تردید یا تصدیق سامنے نہیں آئی ہے۔
یاد رہے کہ یہ پہلی بار نہیں جب اسرائیل کی جانب سے محمد سنوار کو مارنے کا دعویٰ سامنے آیا ہو اس سے قبل بھی کیے گئے تمام دعوے غلط ثابت ہوئے تھے۔
اس سے قبل 2014 میں محمد السنوار پر اسرائیل نے یہ الزام عائد کیا تھا کہ حماس کے رہنما نے اپنی موت کی خبر خود چلوائی تاکہ فوجی کارروائیوں سے بچ سکیں۔
