اسرائیلی وزیرِ اعظم بن یامین نیتن یاہو کا آپریشن مکمل ہوگیا ہے، جبکہ پروسٹیٹ کو نکال دیا گیا ہے۔
بین الاقوامی خبر رساں ادارے کی رپورٹ کے مطابق اسرائیلی وزیرِ اعظم بن یامین نیتن یاہو کی سرجری اسپتال کے کئی منزلہ زیرِ زمین وارڈ میں ہوئی۔
ڈاکٹروں کے مطابق خوف کے باعث اسرائیلی وزیر اعظم کا زیرِ زمین آپریشن کرنا پڑا جو 2 گھنٹے سے زائد جاری رہا، انہیں اب کئی دن زیرِ زمین وارڈ میں گزارنے پڑیں گے۔
اسرائیلی وزیر اعظم کی سرجری کے باعث عبوری وزیرِ اعظم کے طور پر وزیرِ انصاف یاریو لیون نے ذمے داریاں سنبھالی ہوئی ہیں۔
واضح رہے کہ اسرائیلی وزیرِ اعظم کی عمر 75 سال ہے، گزشتہ سال ان کے دل میں پیس میکر نصب کیا گیا تھا۔
دوسری جانب اسرائیلی فوج کی جانب سے غزہ میں بربریت کا سلسلہ تاحال جاری ہے۔ تازہ کارروائیوں میں مزید 30 فلسطینی جام شہادت نوش کرگئے۔
رپورٹ کے مطابق اسرائیل نے اتوار کو چند گھنٹوں کے دوران غزہ سٹی کے 3 اسپتالوں پر حملے کیے، الوفا اسپتال پر حملے میں متعدد لوگ جھلس گئے اور کم از کم 7 فلسطینی جام شہادت نوش کرگئے۔
اسرائیلی فوج نے جمعہ کے روز کمال عدوان اسپتال کو آگ لگا کر اسپتال ڈائریکٹر اورعملے سمیت سیکڑوں افراد کو قیدی بنالیا تھا۔
فلپائن لوزون میں 5.6 شدت کا زلزلہ
فلسطین کی وزارت صحت کا کہنا تھا کہ گزشتہ 24 گھنٹوں میں غزہ پر اسرائیلی حملوں میں مجموعی طور پر 30 فلسطینی شہید ہوئے۔
