The news is by your side.

نیٹ فلکس نے صارفین کو خوشخبری سنا دی

کیلیفورنیہ: دنیا بھر میں مشہور اسٹریمنگ کمپنی نیٹ فلکس نے سستی سبکرپشن متعارف کرانے کا اعلان کر دیا ہے۔

غیر ملکی میڈیا رپورٹس کے مطابق نیٹ فلکس کی جانب سے یہ اعلان صارفین کی تعداد میں ہوشربا کمی کے بعد سامنے آیا ہے اور سستی سبکرپشن کا مقصد صارفین کی تعداد میں اضافہ کرنا ہے۔

سی ای او نیٹ فلکس ٹیڈسرینڈوس نے اس کی تصدیق کرتے ہوئے کہا کہ سال کے اختتام پر اشتہارات کے اشتراک سے سستی سبسکرپشن متعارف کروانے پر غور کر رہے ہیں اور یہ فیصلہ صارفین کی تعداد میں کمی کے باعث کیا جا رہا ہے۔

مارچ میں نیٹ فلکس نے پاس ورڈ شئیرنگ کی سہولت بھی ختم کر دی تھی جس کا مقصد صارفین کی تعداد میں اضافہ کرنا تھا لیکن کمپنی کا یہ تجربہ ناکام ثابت ہوا۔

نیٹ فلکس پچھلے چند مہینوں سے دباؤ کا شکار ہے اور یہ دباؤ دنیا میں بڑھتی مہنگائی اور روس یوکرین جنگ کی وجہ سے ہے۔

سبسکرائبرز کی تعداد میں کمی کے بعد نیٹ فلکس نے اب تک اپنے درجنوں ملازمین کو فارغ کر دیا ہے۔ کچھ روز 300 ملازمین کو نوکری سے نکالا گیا۔

Comments

یہ بھی پڑھیں