مشہورِ زمانہ کورین ڈرامہ سیریز ’اسکوئڈ گیمز‘کے مداحوں کیلئے بڑی خبر آگئی، نیٹ فلکس کوریا نے غلطی سے تیسرے سیزن کی تاریخ کا اعلان کردیا۔
میڈیا رپورٹ کے مطابق نیٹ فلکس کوریا کی جانب سے یوٹیوب چینل پر ایک ٹیزر ویڈیو پوسٹ کی گئی جس میں ممکنہ طور پر سیزن 3کی ریلیز کی تاریخ بتائی گئی ہے۔
ٹیزر میں ’ریڈ لائٹ، گرین لائٹ‘ گیم کی مشہور روبوٹ لڑکی، ینگ ہی، کو ایک نئے مقام پر لے جاتے ہوئے دکھایا گیا، جہاں وہ ایک نئے روبوٹ سے ملتی ہے۔
ویڈیو کا عنوان اسکوئڈ گیم سیزن ہے جس میں 27 جون 2025 کی تاریخ بھی لکھی ہوئی ہے، مداحوں نے اس تاریخ کو ریلیز کی تاریخ سے جوڑ دیا ہے تاہم نیٹ فلکس نے ابھی تک باضابطہ طور پر اس کی تصدیق نہیں کی ہے۔
اسکوئڈ گیم کے اداکار نے گولڈن گلوب ایوارڈ جیت لیا
ٹیزر منظر عام پر آنے کے بعد شائقین کی جانب سے قیاس آرائیاں کی جارہی ہیں کہ آیا یہ لیک ایک حقیقی غلطی تھی، ایکس پر ایک صارف نے لکھا کہ لوگوں کمنٹس میں دعویٰ کیا جارہا ہے کہ اسکوئڈ گیم کا سیزن تھری 27 جون کو ریلیز ہوگا، نیٹ فلکس کوریا کا شکریہ جس نے غلطی سے ویڈیو اپلوڈ کی اور پھر اسے ڈیلیٹ کردیا۔
