ویڈیو اسٹریمنگ کمپنی نیٹ فلکس نے پہلی بار پاکستانی ڈرامہ سیریز کی تیاری شروع کر دی جس میں نامور ستارے جلوہ گر ہوں گے۔
غیر ملکی میڈیا کے مطابق نیٹ فلکس کی ڈرامہ سیریز کا نام ’جو بچے ہیں سنگ سمیٹ لو‘ رکھا گیا ہے جس کی کاسٹ میں فواد خان، ماہرہ خان، صنم سعید، احد رضا میر، حمزہ علی عباسی، مایا علی، اقراء عزیز، ہانیہ عامر و دیگر شامل ہیں۔
نیٹ فلکس کی پیشکش فرحت اشتیاق کے اردو ناول ’جو بچے ہیں سنگ سمیٹ لو‘ پر مبنی ہے۔
ڈرامہ سیریز کی عکس بندی اٹلی، برطانیہ اور پاکستان میں جاری ہے۔ لیکن اسے او ٹی ٹی پلیٹ فارم پر کب ریلیز کیا جائے اس کا اعلان ہونا باقی ہے۔
A galaxy of stars popular across Pakistan, South Asia and beyond headline Netflix’s first Pakistan-themed original “Jo Bachay Hain Sang Samait Lo.” https://t.co/bYjys2KXfL
— Variety (@Variety) August 23, 2023
یہ ہارورڈ یونیورسٹی میں قانون کی تعلیم حاصل کرنے والے طالب علم سکندر کے گرد گھومتی ہے جو زندگی کو بدلنے والے ایک واقعے کا تجربہ کرتا ہے۔
اس واقعے کی وجہ سے سکندر دوسروں کو بے چین رکھتا ہے۔ اٹلی میں اس کی ملاقات ایک لیزا نامی لڑکی سے ہوتی ہے جو باصلاحیت فنکار ہے اور جس کا ماضی پریشان کن رہا۔
