The news is by your side.

Advertisement

نئی دہلی: اسدالدین اویسی پر قاتلانہ حملہ

صدر آل انڈیا مجلس اتحادالمسلمین اسدالدین اویسی قاتلانہ حملے میں بال بال بچ گئے۔

بھارتی میڈیا کے مطابق اسدالدین اویسی کا کہن اہے کہ اترپردیش سے واپس دہلی آتے ہوئے میروت ایکسپریس وے پر گاڑی کو نشانہ بنایا گیا، گاڑی پر 3سے4 گولیاں لگی ہیں۔

اسدالدین اویسی نے ٹوئٹر پر گولیوں کا نشانہ بننے والی اپنی کار کی تصویر شیئر کرتے ہوئے واقعے سے متعلق آگاہ کیا۔

بھارتی میڈیا کا کہنا ہے کہ فائرنگ کرنے والے ایک حملہ آور کو گرفتار کر لیا گیا ہے جب کہ واقعے میں اسدالدین اویسی محفوظ رہے ہیں۔

نئی دہلی پہنچنے پر اسدالدین اویسی نے کہا کہ الیکشن کمیشن اور مودی حکومت واقعے کا نوٹس لیتے ہوئے شفاف اور جانبدار تحقیقات کروائے۔ ان کا کہنا تھا کہ وہ لوک سبھا کے اسپیکر سے ملاقات کر کے واقعے سے آگاہ کریں گے۔

Comments

یہ بھی پڑھیں